Հաճախ տրվող հարցեր

Կարող եք դիմել ժառանգության, ընտանեկան և գույքային վեճերի, պայմանագրերի, աշխատանքային, վարչական, հարկային, բանկային ու գործարար հարցերով։ Կայքի ծառայությունների էջերում ներկայացված են իրավաբանական օգնության տեսակներն ու անհրաժեշտ փաստաթղթերի նախնական ցանկերը։

Մինչև մեկ ժամ խորհրդատվության արժեքը 20 000 դրամ է։ Բուն իրավաբանական ծառայությունների մատուցման արժեքը որոշվում է յուրաքանչյուր գործի անհատական փաստերի, իրավական բարդության և աշխատանքի ծավալի հիման վրա՝ նախապես համաձայնեցվելով վստահորդի հետ։

Պատրաստեք դեպքերի կարճ ժամանակագրությունը, ձեր հարցին վերաբերող պայմանագրերը, որոշումները, ծանուցումներն ու նամակագրությունը։ Եթե նշանակված է դատական նիստ կամ սահմանված է պատասխանելու ժամկետ, այդ մասին նշեք առաջին իսկ դիմելիս։ Փաստաթղթերի ցանկը ճշտվում է ըստ հարցի։

Առցանց խորհրդատվության հնարավորությունը համաձայնեցվում է անհատապես։ Զանգահարեք +374 98 86 00 70, ներկայացրեք հարցի էությունը և քննարկեք հանդիպման ձևաչափը, ժամը և փաստաթղթերի փոխանցման եղանակը։

Առաջին իսկ դիմելիս նշեք ձեր գտնվելու երկիրը, թե ինչպես է ձեր հարցն առնչվում Հայաստանին և կարևոր ժամկետները։ Փաստաթղթերի ուսումնասիրությունից հետո քննարկվում են ներկայացուցչության հնարավորությունը, անհրաժեշտ լիազորությունները և անձնական մասնակցության հարցը։

Նանո Պապոյանի գործունեության հիմնական վայրը Երևանն է, հասցեն՝ Վարդանանց 13։ Ընդունելության համար նախապես պայմանավորվեք՝ զանգահարելով +374 98 86 00 70։

Նանո Պապոյանի արտոնագրի համարը 2739 է, տրման ամսաթիվը՝ 27.12.2019։ «Փաստաբանի մասին» էջում ներկայացված են մասնագիտական տվյալներն ու ՀՀ Փաստաբանների պալատի փաստաբանների ցանկի հղումը։